A reforma integral da Rúa da Santiña, unha das obras que máis atrasos acumulou nos últimos anos, está a piques de terminarse.
Así o confirmou o alcalde de Pontevedra, Miguel Anxo Fernández Lores, que explicou que a única "tarefa pendente" nesta actuación é a plantación do arboledo.
Estas árbores, que son exemplares de gran porte, actualmente atópanse nun viveiro e requiren dun proceso de adaptación especial.
Este proceso consiste en sacalos da terra e preparar a súa "cepellón", a masa de terra adherida ás raíces, para poder ser trasplantados con garantías.
Debido a esta circunstancia, segundo Fernández Lores, o goberno municipal autorizou unha nova prórroga para concluír estes traballos. Será até o próximo 31 de outubro.
Os responsables destes traballos de plantación estiman que poderán executarse durante a segunda quincena de outubro.
Isto permitirá ao Concello recepcionar a obra unha vez estean finalizados, xa que o resto da reforma da rúa xa está completada á espera deste último paso.
Con respecto á circulación prevista pola Rúa da Santiña, o alcalde avanzou que a esta rúa, que quedou de plataforma única, poderán acceder residentes e servizos "como en Michelena ou noutros sitios", para o que se sinalizará "pertinentemente".
O goberno municipal quere pór en valor que esta rúa forma parte do tramo urbano do Camiño Portugués por Pontevedra, polo que aposta porque teña unha mobilidade "reducida" e limitada só aos vehículos que necesiten acceder a ela.