A Policía Nacional continúa impartindo cursos dirixidos ao alumnado de Pontevedra nos que advirte sobre os perigos de usar a rede sen as medidas de seguridade axeitadas.
Este xoves, nun acto presidido polo comisario xefe provincial de Pontevedra, Juan José Díaz Jiménez, xunto coas delegadas de Participación Cidadá, entregáronse os carnés de ciberexpertos ao alumnado de sexto de primaria do CEIP de Cabanas Salcedo e Marcón.
O obxectivo desta iniciativa é premiar os menores que completaron varias sesións sobre o uso seguro da rede.
A actividade quere achegar á contorna educativa e familiar ferramentas e recomendacións para navegar con maior protección.
En total, 218 alumnos de sete colexios da provincia participaron nesta formación: Pontesampaio, Marcón, Cabanas Salcedo, Sagrado Corazón, Elcano, San José e Calasancio.
Este curso capacítaos para facer un bo uso das novas tecnoloxías, fomentando hábitos responsables e seguros na contorna dixital.