Grelos, verzas, coliflor, repolo ou nabos son obxecto de investigación na Misión Biolóxica de Galicia (MBG) ao ser as verduras que máis variedade de moléculas anticáncer conteñen.
Na última década, o grupo de Mellora, Xenética e Bioquímica de BrásicasG levou a cabo unha exhaustiva avaliación dun gran número de variedades locais de verzas, repolo, col asa de cántaro, nabiza, grelos e nabicol desde diferentes perspectivas de mellora xenética.
Estes estudos situaron aos investigadores pontevedreses como un referente a nivel internacional o que valeu para que o próximo ano teñan a responsabilidade de organizar un congreso mundial sobre estes vexetais.
Esta cita será entre o 22 e o 26 de maio no Pazo da Cultura e está previsto que acudan máis de 300 expertos de todo o planeta.
Segundo comentou a directora da Misión Biolóxica, Elena Cartea González, o interese entre estes investigadores é importante debido a que hai cinco anos que non se convoca un congreso desta especialidade, polo que se espera que se vaian a presentar destacados avances neste campo.
Elena Cartea, acompañada da vicedirectora María Butrón González, acudiu este martes ao Concello de Pontevedra para presentar este congreso ao alcalde, Miguel Anxo Fernández Lores.
Os tres coincidiron en sinalar que curiosamente estes cultivos antes estaban "denostados para el consumo humano", aínda que as coñecidas como brásicas hortícolas sempre gozaron dunha ampla difusión en Galicia debido á súa importancia económica.
TRANQUILIDADE
Elena Cartea referiuse aos "índices de litixiosidade" do centro situado en Salcedo e sinalou que "estamos muy tranquilos" respecto das propostas de penalización do Centro Superior de Investigacións Científicas (CSIC) por acatar sentenzas xudiciais que obrigan a contratar a traballadores en situación irregular.
Nunha recente reunión co presidente do CSIC, Emilio Lora-Tamayo, explicoulles que as propostas de sanción que consistirían en limitar a contratación de persoal ademais de baixar os ingresos por produtividade aos xefes científicos, "no afectaría a la Misión Biológica".