A partir deste domingo 11, 162 veciños e veciñas de 32 municipios da provincia de Pontevedra gozan dunha experiencia termal en O Grove, Lalín e Mondariz-Balneario a través do programa +Benestar da Deputación.
Durante cinco días, os participantes participan dunha pensión completa e actividades de lecer saudable que favorecen o envellecemento activo.
A actividade desenvólvese en establecementos de referencia como o Talaso Hotel Louxo, o Hotel Spa Norat Torre do Deza e o Balneario de Mondariz.
A iniciativa, que beneficia este ano a preto de 2.200 persoas maiores de 55 anos de toda a provincia, fomenta o acceso ao termalismo e dinamiza o turismo local, impulsando o sector en épocas de menor actividade, segundo indican desde o goberno provincial.
O paquete inclúe pensión completa, uso diario de balneario ou spa por un mínimo de dúas horas, e traslado aos establecementos en autobús desde Vigo e Pontevedra.
As prazas de réxime xeral están subvencionadas con 100 euros pola Deputación, mentres que as de réxime especial alcanzan os 400 euros.