"Cada curso escolar ten as súas casuísticas" di César Pérez Ares, xefe territorial de Educación. Isto é, unha serie de circunstancias particulares. Circunstancias que incumben á novidade por exempo e como será este 2017-2018 a posta en marcha de E-Dixgal; a mellora da conectividade dos centros e persoais de profesorado.
Son as tres que cita este responsable da administración autonómica e que deixan fóra os autobuses escolares compartidos. Preguntado respecto diso indica que "non o menciono porque a provincia de Pontevedra é a menos afectada das catro. Ata o ano 2019-20 non se pechan os convenios coas empresas de transporte, polo que somos os menos afectados".
En canto ao profesorado e as críticas sindicais que falan de temporalidade e peor remuneración, Pérez Ares afirma neste Cara a cara de PontevedraViva Radio que "somos táboa media" no contexto nacional.
Este curso, doutra banda, segue evidenciando o descenso da demanda de prazas en Educación Infantil, de feito pechouse unha escola unitaria en Meaño. Non se constata, segundo o xefe territorial, necesidade de construción de novos centros nos seguintes ciclos educativos - polo menos en Pontevedra e a súa comarca. Respecto diso aplaude a zonificación que se aplicou nesta capital.
Preguntamos tamén pola Formación Profesional e a oferta pioneira que se está ofrecendo nesta capital. É o caso da Xunqueira, onde o curso pasado saía a primeira promoción do ciclo formativo en grao superior de Integración Social e para o curso para comezar, oferta por primeira vez o ciclo de Promoción de igualdade de xénero.