Para gustos hai cores e para afeccionados taurinos os que nos acompañan nas Conversas na Ferrería de PontevedraViva Radio. Por causas alleas á súa vontade, escusamos a ausencia de Gonzalo Lorenzo; e fan o paseíllo Pepé Maquieira, webmaster de Taurophilos; Alejandro Pedras e Juan Riveiro, presidente da Coordinadora de Peñas Taurinas de Pontevedra.
Expoñen o seu parecer dos touros de Alcurrucén lidados o domingo 6 de agosto; e sobre a actuación da terna: Antonio Ferrera, Julián López "el Juli" e Roca Rey. Estendemos a muleta para que opinen dos dous seguintes festexos do abono da Feira: o sábado 12 a corrida mixta co rejoneador Diego Ventura e os irmáns Paquirri e Cayetano. Os touros dos Espartales e María Loreto Charro completarán este primeiro cartel.
A nosa terna nesta ocasión ponse de acordo en que a corrida do domingo 13 resúltalles de maior atractivo - aínda que a afección en despacho de billetes comprou máis papel para o sábado, ata a data -. Pecharán este ciclo da Peregrina: Juan do Álamo, Álvaro Lorenzo e Ginés Marín con touros de Santiago Domecq.
Tempo ademais para lembrar ao mestre Iván Fandiño, falecido o pasado xuño durante a lida dun touro en Aire Sur, Francia; e de conversa sobre afección taurina.