A investigación do atropelo mortal do pasado mes de abril no Vao, Pontevedra, no que morreu un home de 48 anos, segue o seu curso.
Este domingo levouse a cabo na zona do suceso unha reconstrución dos feitos coa que as autoridades bucan escalarecer o acontecido.
No simulacro estaba presente o condutor do camión involucrado no atropelo, e que está a ser investigado por un posible homicidio que podería ir máis aló da imprudencia.
De feito, apenas un día despois do accidente, o Xulgado de Instrución número 1 de Pontevedra decretou o seu ingreso en prisión provisional, comunicada e sen fianza.
Á reconstrución, segundo información da Garda Civil, acudiron a xuíza, o fiscal e a letrada da administración de xustiza.
Por parte da Garda civil de Tráfico participaron compoñentes do EIS de Pontevedra, EPRAT de Pontevedra e GIAT.
A eles sumáronselle testemuñas do suceso, as defensas e o presunto autor.
O obxectivo do simulacro era recrear os feitos da forma máis precisa posible situando tanto a persoas como aos vehículos no espazo e tempo que ocuparon aquel fatídico día do mes de abril.