Este mércores empezou a instalarse as pezas de granito e os elementos metálicos na avenida de Raíña Vitoria repetindo o deseño elaborado polo estudo SR Skateparks de Pontevedra.
Tras o parón das festas este vial recupera a 'skatepraza' como a bautizou o Goberno local.
Retirouse en agosto para facilitar a montaxe das atraccións das Festas da Peregrina.
Precisamente este luns 25 de setembro a oposición interesábase por saber as intencións do Goberno local ante a tardanza na reinstalación das doce pezas de granito de grandes dimensións e que pesan en conxunto unhas 30 toneladas.
O concelleiro de Obras, Cesáreo Mosquera, explicou que a baixa laboral dun operario afectou a estes traballos.
Estes elementos foron elaborados pola empresa granitera da Lama Graniver e repártense ao longo dos 735 metros cadrados que ocupa este parque urbano de skate.