Cando xa está a piques de comezar un novo curso escolar, o Concello de Marín, dentro das tarefas de mantemento e conservación dos colexios públicos, rematou as obras no CEIP de Seixo.
Neste caso consistiron principalmente na solución de problemas de humidades nas aulas e paramentos interiores de secretaría e dirección do colexio.
Tamén se fixeron arranxos e melloras de carpintería, en caixas das persianas, persianas, marcos das portas ou o cambio da xunta de dilatación do ximnasio.
Ademais na zona de patio se arranxou a zona de contadores, que presentaba desniveis que podían presentar un perigo para os máis pequenos, e outras melloras nas zonas axardinadas.
As obras de conservación e mantemento neste centro ascenderon a máis de 12.000 euros e se realizaron parte polas brigadas municipais e parte por unha empresa externa.