O gabinete de comunicación do Sergas saíu ao paso para disipar as dúbidas alimentadas por AGE sobre os prazos da ampliación do Hospital do Salnés.
Os deputados de AGE, Juan Manuel Fajardo e Eva Solla, cuestionan a data porque o proxecto que sae a licitación fixa un prazo de execución de 27 meses.
Pola contra a Consellería de Sanidade mantén que os traballos rematarán a finais de 2015 para garantir a dispoñibilidade dos Fondos Europeos que financian o 80% do investimento.
Os deputados de AGE pedirán explicacións no Parlamento en relación co desfase de datas para a execución das obras.
Mentres a Consellería segue co proceso administrativo e técnico que "desembocará a finais do presente ano na adxudicación do proxecto e, posteriormente, no inicio da ampliación".