A Garda Civil rescatou de madrugada unha embarcación que horas antes quedara varada e tiña o motor avariado nas inmediacións de Arcade, en Soutomaior.
A bordo da embarcación había varios menores, entre eles, un bebé.
A embarcación Río Luna da Garda Civil recibiu unha chamada de Salvamento Marítimo sobre as 00.15 horas da noite do luns ao martes, xa de madrugada, aínda que a embarcación levaba horas xa no mar.
Trátase dunha embarcación de pequenas dimensións que quedara varada ao redor das 18 horas nunha zona de pouco calado de Arcade.
Dado o pouco calado da zona, había risco de que a embarcación de rescate encallase.
A pesar dese risco, igualmente, desprazouse ata a zona a embarcación auxiliar Río Luna da Garda Civil.
Os axentes chegaron ao momento e comprobaron que a embarcación xa non estaba varada, pero non podía moverse da zona porque tiña o motor avariado.
Á vista da situación, decidiuse proceder ao remolque até o peirao de Chapela, en Redondela.