Ribadumia prepara a XXX Xuntanza dos maiores na Carballeira tras o éxito da Festa do Pan

O Concello de Ribadumia anunciou que o sábado 30 de agosto terá lugar na Carballeira a XXX Xuntanza dos nosos maiores, unha xornada pensada para recoñecer e acompañar á veciñanza sénior do municipio.

As inscricións manteranse abertas ata o mércores 27 de agosto nos Servizos Sociais do Concello de Ribadumia.

O programa da xornada inclúe unha misa ás 13.00 horas, seguida dun xantar popular a partir das 14.15 horas.

Durante a tarde celebrarase un bingo sorpresa e, para pechar a festa, a partir das 18.00 horas terá lugar unha gran velada de baile coa actuación de "La Sintonía de tu vida".

O Concello lembra aos interesados en participar na Xuntanza dos nosos maiores que para as persoas empadroadas en Ribadumia o prezo da inscrición é de 10 euros, mentres que o resto dos asistentes deberá pagar 30 euros.

Este evento celebrase logo do gran éxito da recente Festa do Pan de Ribadumia, que o sábado 9 de agosto reuniu milleiros de persoas na Carballeira.

Os asistentes puideron degustar diferentes modalidades de pan, observar as técnicas de elaboración tradicionais e probar os populares ovos fritidos no recinto, consolidando a cita como unha das máis concurridas do verán local.