A Policía Local investiga o roubo de 460 metros de cobre da iluminación pública do parque empresarial de Nantes.
Segundo informou o Concello de Sanxenxo, na administración local tiveron coñecemento do suceso a última hora da tarde do martes.
Concretamente, foi cando se detectou unha alteración nun dos cadros eléctricos tras saltar o automático.
O roubo deixou sen subministración eléctrica pública a unha vintena de farois.
Informan estas fontes oficiais que o valor do material subtraído en dous puntos diferentes do polígono ascende a 12.000 euros.
A Policía Local intensificará a vixilancia no parque empresarial e pide a colaboración veciñal para tratar de esclarecer os feitos.
