A Garda Civil investiga dous veciños de Vilagarcía e Ribadumia, ambos con numerosos antecedentes, por roubar material nunha nave de Barrantes e logo vendelo nunha chatarrería de Vilagarcía ocultando a súa orixe.
Segundo a información oficial da Garda Civil, atribúenlle os delitos de roubo con forza e estafa.
A investigación ten a súa orixe nunha denuncia interposta na Garda Civil de Cambados na que se relataba que na madrugada do pasado 2 de decembro, autores descoñecidos accederan ao interior dunha nave de Barrantes (Ribadumia).
Forzaron unha xanela e roubaron do seu interior material e ferramentas. levaron alargaderas, enchufes, unha placa de cociña, 2 quentadores de butano, 4 lámpadas de mesita, apliques, unha tesoira de batería de poda, un caixón de ferramenta con martelos, chaves inglesas e unha cizalla, bisagras, manillas e pomos prateados.
O equipo EBIO da Garda Civil localizou parte do material subtraído nunha chatarrería de Vilagarcía de Arousa e pescudou que o venderon dous homes de 46 e 41 anos
O material atopado recuperouse e entregouse ao seu propietario.
Os vendedores foron localizados e comunicouselle a súa condición de investigados.
Agora, a persoa responsable da chatarrería poderá denunciarlles como prexudicada polo delito de estafa, ao comprar material subtraído descoñecendo a súa procedencia ilegal.
O caso está en mans do tribunal de instancia de garda de Cambados.
Engade Pontevedra Viva como fonte preferida de Google de balde
Mantente informado coas últimas noticias de actualidade.