Despois da última reunión mantida entre as tres administracións implicadas na rexeneración da zona da Carabuxeira, Costas, Portos e Concello, o Goberno solicitou nunha reunión coa xefa provincial de Costas, Cristina Paz Curbera o inicio do procedemento de avaliación ambiental estratéxica simplificada.
Para iso entregóuselle o documento de inicio do procedemento e o proxecto de construción para a rexeneración da praia e as súas obras de acceso.
Este proxecto definitivo de rexeneración pretende cumprir catro obxectivos.
Son que a superficie seca da praia sexa igual á primitiva, que a actuación sexa definitiva, que a area de achega sexa parecida á actual para que se manteña o perfil da praia, para o que serán necesarios 24.000 metros cúbicos de area aproximadamente, e que a estrutura de contención que coide o escape da area teña o menor impacto posible.