O goberno local de Sanxenxo traballa xa en preparar a tempada de verán no municipio co inicio dos procesos de contratación de persoal e pensando en poñer a punto as praias.
Por ese motivo a Xunta de Goberno deste venres aprobou o plan de ocupación dos areais cos servizos de tempada.
A proposta será trasladada agora a Costas para tramitar o permiso necesario.
O proxecto elaborado por Sanxenxo establece a instalación de 14 quioscos, unha caseta, 63 hidropedais, 333 hamacas e parasois e 32 piraguas en dez praias, repartidas do seguinte xeito:
| QUIOSCOS | TUMBONAS | HIDROPEDAIS | PIRAGÿAS | |
|---|---|---|---|---|
| Silgar | 3 | 169 | 26 | 12 |
| Canelas | 2 | 24 | 14 | 7 |
| Areas | 1 | 50 | 10 | 8 |
| Baltar | 1 | |||
| Paxariñas | 1 | 25 | 5 | 5 |
| Montalvo | 2 | 50 | 5 | |
| Major | 1 | 15 | 3 | |
| Pragueira | 1 | |||
| Foxos | 1 | |||
| Area Gorda | 1 |
A todo iso súmanselle outras ocupacións que pola súa localización precisan o permiso de Costas. Trátase dunha terraza de 30 metros cadrados na rúa Progreso de Sanxenxo ou o anexo do quiosco situado no Parque do Espiñeiro, en Portonovo, no que se encontran os servizos públicos.
Tamén se solicitou permiso para instalar unha caseta de surf na Lanzada.