A situación do novo hospital de Vigo, o Álvaro Cunqueiro, estivo moi presente na concentración convocada por SOS Sanidade Pública en Pontevedra.
Ademais de solidarizarse coa situación do persoal sanitario do Cunqueiro, a protesta defendeu con máis forza aínda a opción de ampliar Montecelo como a máis viable para Pontevedra, evitando a construción de Monte Carrasco.
Trátase, explicaron os diversos colectivos convocantes, de evitar repetir un modelo que, entenden, non funciona e presenta numerosas deficiencias.
Por iso apostan por Montecelo cun investimento que cualifican de prioritario e "urxente".
Centenares de pontevedreses participaron no acto convocado por SOS Sanidade Pública desde as 20:15 horas na Praza de Ourense.
O colectivo tamén aproveitou a ocasión para sinalar o que ve como deficiencias estructurais do Hospital Provincial, situación que afecta, din, á calidade da atención sanitaria.