Nas últimas horas, a Policía Local de Poio foi alertada polo 112 dun accidente de tráfico en Combarro, na estrada PO-308, á altura da Avenida da Cruz.
O sinistro, un alcance entre dous turismos, saldouse con tres persoas feridas leves.
O impacto producíase nunha xornada de chuvia, que dificultaba a visibilidade, e as persoas feridas foron trasladadas a un centro hospitalario para avaliación médica.
A veciñanza leva tempo denunciando a perigosidade do paso de peóns que conecta o casco histórico coa zona nova na avenida da Cruz, onde se producía o accidente, por estar situado nun cambio de rasante que dificulta a visibilidade.
Reclaman algún elemento lumínico que alerte os condutores deste paso de peóns.
A Policía Local lembra á cidadanía que, especialmente nestas xornadas de chuvia, é importante adecuar a velocidade ás condicións da vía, manter unha distancia de seguridade axeitada e extremar a atención ao volante.