Axentes da Policía Nacional de Pontevedra detiveron un menor de 17 anos como presunto autor do roubo dunha bicicleta na cidade o pasado 12 de xaneiro.
Segundo informou a comisaría provincial, foi o propietario dun establecemento o que alertou cunha chamada ao 091 que tiña localizado un mozo que levaba unha bicicleta roubada.
Un cliente que estivera na tenda deixara a bicicleta apoiada no escaparate. Horas despois foi vítima do roubo e, ás 21.30 horas, cando o empresario estaba a pechar a tenda, viu pasar por diante ao mozo montado na bicicleta do seu cliente.
O home decidiu saír tras el e logrou interceptalo, tras o cal chamou á Policía.
Os axentes, tras identificar ao novo, detivérono polo delito de furto da bicicleta, valorada nuns 700 euros.
A bicicleta foi devolta posteriormente ao seu propietario.