Este mércores 10 de xullo ás 17:01 horas, o Servizo de Emerxencias do Concello de Cambados acudiu a un accidente de tráfico na PO-550, ao seu paso polo lugar de A Bouza, Castrelo (Cambados).
O sinistro involucraba un todoterreo conducido por J.P.P., de 62 anos e veciño de Cambados, e un turismo no que viaxaban S.S.F., de 34 anos, e o seu fillo de 5 anos.
Os tres foron trasladados ao Hospital do Salnés con dor lumbar, cervical e torácica.
Na intervención participaron unha ambulancia do 061, persoal médico do Centro de Saúde de Cambados, a Garda Civil de Tráfico e o equipo de Atestados, ademais do Servizo de Emerxencias do municipio.