Con fondo azul referente ao mar, a imaxe de perfil dos coñecidos como cabaleiros gardamariñas e o famoso buque Juan Sebastián Elcano. Así é o selo que Correos emitirá para conmemorar os 300 anos da Real Compañía de Guardamarinas e que foi presentado este xoves na Escola Naval de Marín.
Cun valor de 1,25 euros, que permite o franqueo dunha carta a calquera país da Unión Europea, a tirada realizada por Correos é de 210.000 exemplares.
O presidente de Correos, Javier Cuesta, explicou que este selo non busca só lembrar esta efeméride, senón tamén ser unha "homenaxe" ao labor das forzas armadas españolas.
Este selo conmemorativo pon o broche de ouro a unha celebración na que, recentemente, participaron o rei Felipe VI e o seu pai, o rei emérito Juan Carlos I.
O novo selo destaca a efeméride da institución onde os futuros oficiais da Armada española reciben toda a formación necesaria para desempeñar o seu labor.
Con esta emisión, Correos volve recoñecer personalidades e feitos históricos relacionados coa Armada.
Nos últimos anos, entre outros, realizáronse selos para homenaxear ao científico, militar e mariño español Antonio de Ulloa, ao enxeñeiro naval e científico Jorge Juan ou os aniversarios da botadura do submarino Peral ou a infantería de Mariña, ao buque oceanográfico Hespérides ou o propio Juan Sebastián Elcano.