Más de 300 persoas participaron este domingo na Andaina Montes e Praias de Marín, organizada pola Asociación Española contra o Cancro.
A pesar do frío e a choiva a camiñada botou andar ás nove da mañá da Alameda de Marín e percorreu as principais paraxes naturais do municipio.
Os participantes podían decidir entre as dúas modalidades propostas: por unha banda, a andaina popular de 15 quilómetros e, por outra, a deportiva de 25.
Esta andaina forma parte de dos calendarios oficiais, o da liga Ibérica de Sendeirismo da Federación Galega de Montañismo e da liga da Xunta de Galicia da Federación Galega de Montañismo.
A celebración desta camiñada, como xa é tradición, coincidiu co Bolo do Pote, organizado por Pousos da Area e que estivo aberto a todos os que lles apeteceu gozar deste tradicional prato típico do tempo de Entroido.