Marín entra nunha fin de semana plenamente festiva que terá na xornada do domingo, día do Carmen, a súa data álxida. O sábado comeza con pasacalles ás 11.30 horas. Ás 20.30 horas a batucada tomará as rúas da localidade e ás 22.00 horas a Alameda acolle un espectáculo infantil a cargo de Migallas. Ás 23.00 horas na Praza de España verbena coa Orquestra Galilea.
Para o domingo 16, a misa en honra á Virxe do Carmen será ás 12.30 horas na Igrexa Santa María do Porto e intervirá a Coral Lembranzas. Polas tarde ás 18.30 horas a ofrenda floral sairá do edificio consistorial e media hora despois, procesión coa Banda de Música de Marín e Os Chaneiros. Ás 21.00 horas sesión de contacontos a cargo de Polo Correo do Vento e ás 23.00 horas, verbena coa Orquestra Kubo na Praza de España.
Para culminar o programa elaborado polo Concello marinense, o espectáculo pirotécnico previsto para a medianoite do domingo estará situado na pista americana da Escola Naval Militar. O cambio evitará cortar o acceso ao Paseo Alcalde Blanco, como se facía ata o de agora. Esta novidade permitirá que este Paseo, a zona da Rúa do Forte ata o entroncamento co vial das praias pasen a ser os mellores lugares para seguir esta gran tirada de fogos artificais.