O Concello de Vilagarcía conmemorou este venres o Día Internacional da Muller coa lectura do manifesto 'As mulleres, xestoras do cambio', a cargo da ex concelleira de Igualdade Vitoria Hierro Lorenzo.
A autora do texto puxo o foco no rol esencial das mulleres na xestión municipal galega e que deixaron e deixan o mellor do seu talento ao servizo da veciñanza.
"Dende Maruja Gómez, a primeira muller alcaldesa elixida democraticamente en Galicia no ano 1936, ata hoxe, moitas mulleres foron asumindo os bastóns de mando dos 313 concellos galegos", manifestou Hierro, lamentando que, aínda que máis do 42% das concellarías dos municipios galegos están ocupados por unha muller, só o 22% son alcaldesas.
A exconcejala reivindica o feminismo como un "movimiento político, social e cultural civilizatorio, indispensable para combater todas as formas de desigualdade, discriminación e violencia".
Neste 8 de marzo, "dende o Concello de Vilagarcia reafirmamos o noso compromiso para seguir visibilizando ás mulleres como xestoras do público, exercendo o poder e eliminando barreiras que aínda dificultan o seu acceso a postos de responsabilidade", afirmou.
Engadiu tamén que "traballemos para que os retos e desafíos que temos por diante se afronten dende o principio de igualdade, recoñecendo ás mulleres non só como protagonistas da igualdade, senón como xestoras do cambio, responsables directas de construír, dende o ámbito local, un mellor futuro" porque "cando unha muller avanza, ningún home retrocede. Cando unha muller avanza, todas dan un paso ao fronte".