Parece incrible, pero é unha situación que se repite periodicamente a pesar dos avisos de altura máxima na zona.
Un camión chocou á primeira hora da mañá deste martes contra a ponte do tren na estrada PO-225, a coñecida como variante de Alba que conecta a Nacional 550 coa estrada de Vilagarcía.
O suceso produciuse pouco despois das 7:30 horas da mañá, quedando o tráiler parado no lugar bloqueando un carril de circulación.
A Garda Civil de Tráfico regulou a circulación na zona ata a chegada do guindastre, pero producíronse retencións considerables.