Pontevedra celebrou este sábado o Día Internacional do Ioga con clases ao aire libre durante toda a xornada na Illa das Esculturas e a Alameda.
A iniciativa, impulsada pola Concellería de Benestar Social en colaboración de Flow Ioga e Myriam Viéitez, pretendía dar a coñecer os beneficios físicos e de benestar que reporta esta actividade.
As clases iniciáronse ás 10.00 horas na Alameda cunha sesión de Bos días seguida de Hatha Ioga (11.30), Vinyasa Ioga (13.00), Respira (16.30 horas), Acro-Ioga (18.00 ) e Ioga tibetano (19.30).
Pola súa banda na Illa das Esculturas estaban programadas as clases Ashtanga Ioga (10.00 horas), Ioga prenatal (11.30) e Ioga suave (13.00). Meditación (16.30 horas), Vinyasa Ioga (18.00) e Yin Ioga (19.30 horas).
A conmemoración do Día Internacional do Ioga compartía protagonismo esta fin de semana co último roteiro do programa Re-conectando con Pontevedra, cunha andaina este domingo 23 de xuño pola senda del Río Almofrei, na parroquia de Bora.