Multitudinaria manifestación en defensa da sanidade pública
Por Oskar Viéitez
Unha multitudinaria manifestación con persoas chegadas de todos os lugares de Galicia percorreu este domingo as rúas de Santiago para reclamar á Xunta a mellora dos servizos sanitarios da comunidade.
Manuel Martín, portavoz de SOS Sanidade Pública, organización convocante desta mobilización, leu o manifesto no que cualificou de "aberrante e inaceptable" a situación os servizos sanitarios algo que, segundo apuntou, "non é cousa do Goberno central, senón de dotar aos servizos dos orzamentos que realmente precisan", sinalou.
No manifesto denunciouse que "a nosa sanidade está en mans de especuladores" que a están sometendo a un proceso de "desmantelamento".
Segundo enumerou SOS Sanidade Pública en Galicia hai "centros de saúde e PACs inaccesibles; consultas telefónicas en lugar de presenciais; centros masificados, sen pediatras nin persoal suficiente, con esperas de semanas; servizos de urxencias hospitalarias colapsados; listas de agarda manipuladas que esconden máis da metade dos doentes; persoas maiores abandoadas nas residencias e na dependencia; e un persoal sanitario insuficiente que soporta unhas condicións laborais precarias e indignas".
Para facer fronte a este "momento crítico" SOS Sanidade Pública propuxo trece medidas "urxentes" entre as que se atopan o incremento do orzamento sanitario, especialmente da atención primaria; a apertura dos centros de saúde pechados; o aumento do persoal de medicina familar, pediatría e enfermería; a reintegración no sistema público dos servizos sanitarios; ou a eliminación da inestabilidade laboral, entre outras medidas.
Na manifestación participaron os candidatos á Presidencia da Xunta do BNG, Ana Ponton; do PsdeG-PSOE, Xosé Ramón Gómez Besteiro; de Sumar Galicia, Marta Lois e de Podemos, Isabel Faraldo.
Relacionadas:
-
Benvida ás novas pediatras para Atención Primaria e o Hospital do Salnés que acadaron praza fixa por concurso
Por Oskar Viéitez |
-
O Hospital de Día de Montecelo funciona xa con horario ampliado polas tardes
Por Redacción |
-
A Xunta solicita a licenza de obra para o novo centro de saúde de Vilagarcía
Por Redacción |
-
Anuncian a cobertura de nove prazas de médicos de urxencias hospitalarias en Pontevedra-O Salnés
Por Redacción |
-
Paula Prado, secretaria xeral do PPdeG, sobre a manifestación sanitaria: "está absolutamente politizada. Non xorde da necesidade da poboación"
Por Mónica Patxot & Anxo Lourido |
-
Alertan de que o contrato das ambulancias do 061 en Pontevedra pode quedar deserto
Por Redacción |