O contedor solidario da UNED xa chegou a Senegal
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/087/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65d09fb7de-asi-estaban-antes.jpeg)
© UNED Pontevedra
![](/web/cache/scene/uploads/fotos/foto/359/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65d09fde67-whatsapp-image-2024-02-16-at-17.43.16.jpeg)
© UNED Pontevedra
![](/web/cache/scene/uploads/fotos/foto/e6a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65d09fedae-whatsapp-image-2024-02-16-at-17.43.16-1-.jpeg)
© UNED Pontevedra
O material enviado pola UNED a Senegal chegou ao seu destino despois de completar unha serie de requisitos burocráticos que atrasaron o envío desde o porto de Vigo.
Entre o material había mesas, cadeiras, lousas e computadores actualizados procedentes do CEIP Vidal Portela e da propia Universidade de Educación a Distancia que foron enviados a tres colexios, unha gardería e un centro de saúde da rexión senegalesa de Diourbel.
O coordinador do Departamento de Extensión Universitaria e Actividades Culturais da UNED en Pontevedra, Rafael Cotelo Pazos, explicou que a acción xurdiu "de casualidade. Acollemos na UNED unhas xornadas do asociacionismo promovidas desde o Concello de Pontevedra e alí entrei en contacto con Ismael Mgom, presidente da Asociación Senegalesa en Pontevedra 'Dahira Touba'".
Desde alí comentáronlle que acababan de recibir unha doazón de equipamento escolar procedente do CEIP Vidal Portela, que estaba a renovar o seu mobiliario, e lamentábase de que non tiña sitio para albergar o material co que estaba condenado a acabar no punto limpo. "Ofrecémoslle as nosas instalacións para almacenalo e nese mesmo momento empezamos a traballar a unha maior escala para resolver un grave problema que estaban a padecer tres escolas de Senegal que non tiñan material para acomodar ao seu alumnado", indicou.
Sen dúbida esta acción non se podería levar a cabo sen a boa vontade da xente e o sentimento solidario do centro universitario pontevedrés, a Asociación Senegalesa 'Dahira Touba', a ONG Fuertes Razones e a Navieira Eduardo Vieira, S.A, que lograron facer realidade o soño de Ismael Mgom e duns 250 alumnos e alumnas de tres colexios de Senegal.
Relacionadas:
-
Conferencia o a UNED sobre o "Titanic galego" e proxección do documental sobre "Os Trasnos de Doade"
Por Redacción |
-
A UNED comeza este mes un curso de programación para aprender a construír o teu propio sistema operativo
Por Redacción |
-
Un curso da UNED en Pontevedra analizará os dereitos e garantías da persoa na era dixital
Por Redacción |
-
A UNED ofrece un curso sobre violencia de xénero desde a perspectiva do trauma
Por Redacción |
-
A nova figura do coordinador de benestar e protección nos centros educativos centrará un curso da Uned
Por Redacción |
-
Os 'Diálogos filosóficos' chegan á UNED para penetrarse no libre albedrío, a soidade ou a culpa
Por Redacción |