En marcha o novo pavimentado do camiño de Esperón a Xuviño
Por Oskar Viéitez
A Consellería de Medio Rural xa está executando as obras de mellora e pavimentado do camiño de Esperón a Xuviño.
O alcalde, Ángel Moldes, sinala que esta é "unha das vías municipais máis deterioradas de Poio", a pesar de que é unha estrada moi transitada por coches e ser tamén un dos pasos polos que transcorre a Variante Espiritual do Camiño de Santiago.
Moldes visitou a zona xunto co concelleiro de Obras, Marcial García. Segundo explicaron, era "urxente" dar unha solución a esta estrada, "que acumula anos de firme en mal estado e presencia de numerosos baches e socavóns que provocaban unha situación de inseguridade para os usuarios".
O alcalde manifestou que con esta actuación, "cúmprese outro dos compromisos adquiridos por este goberno".
As obras estanse executando a través dun convenio asinado entre o Concello de Poio e a Xunta para mellorar infraestruturas no rural, e que permite que o proxecto, que ascende a 48.145 euros, sexa financiado integramente pola administración autonómica.
O vial ten unha lonxitude de 807 metros. As obras contemplan a limpeza das marxes e cunetas de todo o trazado, a pavimentación de sobreanchos e o caixeado estendido de capa.
Relacionadas:
-
Sustitúen máis de 300 baldosas do paseo de Combarro
Por Redacción |
-
Reguera visita as obras que financia a Xunta no camiño de Esperón a Xuviño
Por Redacción |
-
Medio Rural asume a pavimentación do camiño de Esperón a Xuviño
Por Redacción |
-
A rehabilitación do núcleo do Xuviño comezou polos servizos básicos
Por Redacción |