![](/web/cache/scene/uploads/fotos/foto/24e/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/65d763fd14-reunion-agafan_poio.jpeg)
© Concello de Poio
Poio conta con máis de 200 familias numerosas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O alcalde de Poio, Ángel Moldes, e a concelleira Rocío Cochón reuníronse co presidente da Federación Española de Familias Numerosas, José Manuel Trigo, co presidente da asociación galega, Luis Sánchez, e co delegado por Pontevedra, Vicente Domínguez.
Mis de 200 familias forman parte deste colectivo no municipio, segundo informou o Concello.
Durante o encontro, Moldes sinalou que o goberno municipal "é consciente de que investir nas familias é investir no futuro do concello".
Nesta liña, o alcalde asegurou que desde o goberno están traballando para dar pasos cara diante para "converter Poio nun concello familiar", con políticas e medidas para "facer que sexa un lugar para que as familias se establezan, vivan e fagan a súa vida".
Moldes indicou que "a pegada do novo goberno xa se está percibindo", coa "primeira redución de impostos e taxas das últimas décadas", a posta en funcionamento do comedor escolar no CEIP Isidora Riestra, cunha "ampla programación cultural e festiva destinada para as familias", ou coa ampliación das ludotecas de verán ata o inicio do curso escolar.
"Son pequenas decisións que marcan unha tendencia e, desde logo, este é o camiño que iniciamos e que imos continuar nos vindeiros anos", manifestou o alcalde.
Así, recordou que a "folla de ruta" será o compromiso asinado con estas asociacións hai uns anos, e que incluía "medidas xustas, realistas e necesarias" para dar apoio ás familias numerosas e atender ás súas peticións.
Entre estas medidas inclúense, por exemplo, beneficios fiscais para as familias numerosas, servizos que favorezan a conciliación familiar, mellora das zonas de lecer e ampliación da programación infantil ou familiar.