Un equipo de mestras de Murcia estreitan lazos co CEIP da Laxe para avanzar no modelo educativo do futuro
Por Oskar Viéitez
O colexio de educación infantil e primaria (CEIP) da Laxe participa no programa ObservAcción da Xunta de Galicia, coordinado polo CFR Pontevedra, que trouxo durante esta semana a un equipo de mestras de Murcia, para coñecer a realidade educativa da vila e poder cruzar metodoloxías.
Neste centro educativo marinense cren que a educación debe estar sempre vencellada ao avance dos tempos. Entenden que as sociedades cambian e por iso o xeito de educar e de transmitir coñecementos e valores debe evolucionar e abrazar novas formas de docencia.
Así llo explicaron á alcaldesa, María Ramallo, e á concelleira de Educación, Marián Sanmartín, que este xoves achegáronse ata o centro para dar a benvida ás mestras de El Palmar.
Estas profesoras murcianas notan un cambio entre a súa situación educativa e a galega, da que destacan as ratios e a calidade da docencia e da vida en xeral da nosa zona.
Tal e como explicou a dirección do centro, esta é a terceira fase do programa, que a semana que vén tornará e levará aos docentes de Marín a visitar Murcia. As dúas primeiras fases desenvolvéronse no pasado curso, cun primeiro traballo interno entre o equipo docente do CEIP da Laxe e un segundo momento cun intercambio cun centro de Padrón.
No caso de pasar á cuarta e última fase, o intercambio sería con outro colexio dalgunha rexión da Unión Europea.
Relacionadas:
-
A aula permanente de música tradicional percorrerá de novo as rúas da Boa Vila
Por Redacción |
-
Recoñecen co carné de ciberexpertos ao alumnado de 6º de primaria do colexio marinense San Narciso
Por Redacción |
-
A Escola Feminista da Mocidade inicia o curso de igualdade e prevención das violencias machistas
Por Redacción |
-
Investigadores xaponeses percorren Pontevedra para coñecer a súa transformación urbana
Por Alejandro Espiño |
-
O CPI Santa Lucía de Moraña acolle a estudantes e mestres croatas de Erasmus
Por Redacción |