8M | O Día da Muller conmemórase na Lama coa lectura dun manifesto institucional
Por Redacción
A lectura dun manifesto, a cargo da concelleira Trinidad Fernández Oubiña, foi este venres o acto central do Concello da Lama para conmemorar o 8 de Marzo, Día Internacional da Muller.
Foi un discurso centrado na necesidade de eliminar as desigualdades, a discriminación e a violencia contra as mulleres.
Este acto conmemorativo, celebrado no Salón de Plenos, inclúese dentro da programación de actividades promovidas e coordinadas polo Centro de Información á Muller (CIM), consistentes na posta en marcha de varios obradoiros relacionados cos estereotipos de xénero, igualdade no traballo e nas tarefas do fogar desarrolldos con alumnado de educación infantil e primaria.
Fernández indicou que as mulleres, sobre todo no ámbito rural, "teñen un papel fundamental na loita contra a despoboación e o reto demográfico" e avogou por incrementar a participación activa das mulleres na vida política e social local.
"Propoñemos incorporar a perspectiva de xénero en todas nosas políticas e programas, aplicar medidas para garantir a igualdade salarial e de oportunidades no emprego promovendo a participación equitativa de mulleres en todos os niveis e sectores laborais e impulsar campañas de prevención e sensibilización contra a violencia de xénero dando apoio integral ás mulleres e traballando na erradicación da violencia machista", defendeu a edil.
Relacionadas:
-
A Lama, Cerdedo-Cotobade e Fornelos, renovan o compromiso co Centro de Información á Muller por outros catro anos máis
Por Redacción |
-
8M | 'Feminismo organizado, patriarcado derrotado'
Por Oskar Viéitez & Mónica Patxot |
-
8M | Mulleres de Sanxenxo toman a palabra para reclamar unha igualdade real
Por Redacción |
-
8M | Cerdedo-Cotobade recoñece cinco mulleres emprendedoras do municipio
Por Redacción |
-
8M | Bueu reivindica as súas mulleres rurais e pide que a igualdade "deixe de ser un espellismo"
Por Redacción |
-
8M | A Deputación conmemora o Día da Muller advertindo de que a igualdade "se debilita coa confrontación"
Por Oskar Viéitez & Mónica Patxot |