Os Sendeiros Azuis das Rías Baixas recollen as súas bandeiras
Por Redacción
Las Rozas, en Madrid, foi escenario da entrega das bandeiras que certifican os Sendeiros Azuis distinguidos pola Asociación de Educación Ambiental e do Consumidor (ADEAC).
Un total de 128 itinerarios foron recoñecidos nesta ocasión, entre os que se atopan un bo número de rutas das Rías Baixas.
Sanxenxo mantense como líder no número de distintivos a nivel nacional, con 30 quilómetros de camiños aos que se suma este ano como novidade a senda fluvial del Río Pintillón en Dorrón (3,320 quilómetros). Ademais manteñen a bandeira de Sendeiro Azul os percorridos Sanxenxo-Portonovo, Canelas-Punta Cabicastro, Montalvo-Major, o sendeiro da Lanzada, o Sendeiro Litoral Areas-Punta Festiñanzo, o de Paxariñas-Montalvo e o roteiro interior de Aldariz.
Pola súa banda o Concello de Poio sumou este ano dúas novas bandeiras, para a Senda do Laño e a Ruta dos Muíños de Samieira, que se suman ao Sendeiro Litoral de Poio e á Variante Espiritual do Camiño Portugués, para un total de 18 quilómetros de camiños.
Vilagarcía de Arousa recolleu nesta ocasión dúas novas distincións, que recoñecen o traballo de recuperación da Vía Verde, que une Vilagarcía con Caldas e Portas, e a Ruta Mariñeira que discorre entre Vilaxoán e Carril.
Tamén Marín recibiu nas Rozas un novo distintivo ambiental, no seu caso para a Ruta do Monte Penizas.
Os Sendeiros Azuis recoñecen cos seus distintivos a conservación e recuperación de carreiros e itinerarios poñendo en valor os seus recursos naturais e patrimoniais desde a sustentabilidade, así como as posibilidades que ofreces á cidadanía para gozar da natureza.
Relacionadas:
-
Un coche provoca danos na senda peonil de Laño
Por Diego Espiño |
-
Volve en abril o Portonovo Gastronómico con tres días de festa ao redor da raia
Por Redacción |
-
Poio incorporará novo equipamento para pavimentación e para limpeza viaria e de praias
Por Redacción |
-
En marcha a elaboración dunha Guía Interactiva Turística dos Sendeiros Litorais de Sanxenxo
Por Redacción |
-
Domingo de paseo en Laño para poñer en valor os sendeiros azuis
Por Redacción |
-
Marín presume da Ruta do Monte Penizas, novo entre os sendeiros azuis de Galicia
Por Redacción |
-
Pontevedra suma novos sendeiros azuis
Por Oskar Viéitez |