Un motorista resulta ferido ao caerse da moto en Domingo Fontán
Por Redacción
Un motorista resultou ferido á primeira hora a mañá deste mércores tras caerse do seu vehículo cando circulaba pola avenida Domingo Fontán.
Segundo confirmaron desde a Garda Civil de Pontevedra, o accidente produciuse sobre as 6.45 horas da mañá e, como consecuencia da caída, o motorista tivo que recibir asistencia médica.
Así, foi trasladado en ambulancia ao Hospital QuirónSalud Miguel Domínguez de Pontevedra, onde entrou, en principio, con prognóstico leve.
Na avenida Domingo Fontán, e ata a rotonda do Nó de Bombeiros, quedou unha mancha de gasóleo na calzada.
Ata o lugar trasladáronse unha ambulancia de Urxencias Sanitarias de Galicia, a Garda Civil de Tráfico e tamén persoal do servizo de mantemento de estradas para a limpeza da vía.
Relacionadas:
-
Un octoxenario que circulaba en ciclomotor resulta ferido nun accidente en Cambados
Por Anxo Lourido |
-
Ferida a copiloto dunha motocicleta nunha caída en Ribadumia
Por Anxo Lourido |
-
Unha muller en cadeira de rodas, ferida leve nun atropelo en Eduardo Pondal
Por Redacción |
-
O PP esixe ao Ministerio de Transportes a mellora do firme das estradas nacionais da provincia
Por Oskar Viéitez |