Festa de récord en Arcade: máis de 35.000 asistentes e 115.000 ostras vendidas
Por Redacción
A XXXVI Festa da Ostra de Soutomaior superou todas as súas expectativas. O Concello agardaba 30.000 persoas e tiña a previsión de servir 100.000 ostras durante a pasada fin de semana en Arcade, pero finalmente a celebración pechouse con récord de participación e venda.
A pesar de que a climatoloxía non acompañou durante algúns momento ao longo da fin de semana, a festa bateu récords de asistencia tanto na noite do sábado como no día grande, o domingo ao mediodía. Finalmente, durante toda a fin de semana, superaron as 35.000 persoas asistentes e as 115.000 ostras vendidas.
Esgotáronse as copas de albariño e na tarde do domingo quedaron esgotadas as ostras ao natural, a gastro experiencia OsTres e o viño albariño.
Segundo a información facilitada polo Concello, adegueiros, ostricultores e empresarios trasladaron ao alcalde a súa satisfacción e agradecemento por unha organización que eles mesmo definiron como "espectacular".
Esta edición 2024 chegou con varias novidades: cambiouse a localización dos postos da carpa deixando vistas do fondo da ría de Vigo; contouse cun comedor coidado e unha ambientación adecuada; e as copas de viño estaban serigrafiadas e permitiron aos asistentes degustar e desfrutar das ostras de Arcade nunhas condicións que nunca antes se viran.
O alcalde, Manu Lourenzo, destacou que "foi unha festa que se realizou co máis grandes dos agarimos" para poder ofertar á veciñanza a mellor edición.
Manu Lourenzo agradece o traballo "inxente" de todas as persoas que formaron parte da festa "porque sen eles non sería posible acadar este resultado, é unha sorte formar parte dun equipo no que se traballa cos máis altos niveis de esixencia para mellorar a vida da veciñanza.
A programación continuará durante a vindeira fin de semana coa Carreira Infantil da Ostra que tivo que adiarse o domingo 31 de marzo. Será o domingo 14 de abril.
O prazo de inscrición na carreira abriu este luns 8 de abril ás 16:00 horas e estará aberto ata as 20.00 horas do martes 9 de abril. Será de balde e en liña na ligazón: https://qrcd.org/4uUz.
A recollida de dorsais será os días 10,11 e 12 de abril no Pavillón (horario de 16:30 a 21:30 horas) e o 14 de abril, día da carreira, no peirao en horario de 10:00 a 11:00 horas.
O Departamento de Deportes lembra que as persoas xa inscritas non teñen que facer nada, unicamente recoller o seu dorsal se non o fixeron no seu momento. Este prazo de inscrición é de ampliación para as nenas e nenos que non se inscribiron no seu momento.
Relacionadas:
-
Éxito de participación na Carreira Infantil da Ostra
Por Redacción |
-
Milleiros de persoas participan nunha exitosa Festa da Ostra
Por Cristina Saiz & Anxo Lourido |
-
Todo preparado para o día grande da Festa da Ostra
Por Redacción |
-
Homenaxe á ostreira Isabel Seoane no comezo da 36 edición da Festa da Ostra
Por Redacción |
-
Soutomaior agarda 30.000 persoas esta fin de semana na Festa da Ostra, que prevé servir 100.000 pezas
Por Redacción |
-
Soutomaior prepárase para unha Festa da Ostra máis inclusiva e para todas as persoas
Por Redacción |
-
O escritor Manuel Lourenzo pregoará a XXXVI edición da Festa da Ostra
Por Redacción |