Recollida de sinaturas para esixir á Xunta melloras no centro de saúde de Arcade
Por Oskar Viéitez
O BNG de Soutomaior vén de anunciar o comezo dunha campaña de recollida de firmas co obxectivo de "esixir á Xunta que poña fin á política de recortes na sanidade pública de Soutomaior que leva anos a aplicar contra a veciñanza do noso concello".
O sábado 13 de abril a partir das 10:00 horas, o BNG de Soutomaior instalará un punto de recollida de sinaturas na Alameda de Talo Río.
No BNG de Soutomaior sinalan que no centro de saúde deste concello "soamente hai tres médicos para atender a toda a poboación", o que supón unha ratio de 2.500 habitantes por facultativo. "O noso concello leva agora mesmo máis de 500 días sen un ou unha pediatra que atenda ao case milleiro de nenos e nenas censadas en Soutomaior", denuncian.
O responsable local do BNG de Soutomaior, José Costas, sinalou directamente ao Partido Popular e á Xunta como "únicos culpables da situación na que vive o centro de saúde de Arcade".
Os nacionalistas animaron á veciñanza de Soutomaior a achegarse este sábado a partir das 10:00 á Alameda de Talo Río para asinar a petición.
Relacionadas:
-
O BNG rexistra na Xunta o medio milleiro de sinaturas da veciñanza de Soutomaior en defensa da sanidade pública
Por Redacción |
-
O BNG recolle medio milleiro de sinaturas demandando persoal e recursos no centro de saúde de Arcade
Por Redacción |
-
Arcade acolle unha manifestación este venres para esixir máis persoal sanitario no centro de saúde
Por Redacción |
-
Os terreos do futuro centro de saúde de Soutomaior xa son do Concello
Por Redacción |
-
Acto informativo do BNG en Soutomaior para tratar a situación da Atención Primaria
Por Redacción |
-
O centro de saúde de Arcade cumpre "máis de 500 días" sen pediatra
Por Redacción |
-
A veciñanza de Soutomaior sae á rúa para esixir máis persoal médico e que se garanta a atención pediátrica no concello
Por Redacción |
-
Convocan unha concentración para esixir máis persoal de Atención Primaria e Pediatría no centro de saúde de Arcade
Por Redacción |