Repintado para a zona de estacionamento xunto á Escola Naval
Por Redacción
O Concello de Marín anunciou que repintará a zona de aparcadoiro público do peirao anexa á Escola Naval Militar, que sufriu modificacións pola ampliación da beirarrúa e a mellora da conexió coa Praza de España e o Paseo Alcalde Blanco.
O obxectivo, asegura o goberno local, é regular o aparcamento nesta zona e así evitar usos indebidos e problemas no acceso e saída de vehículos.
Desta forma o Concello pintará novas prazas de estacionamento, entre o vial peonil e o portuario.
En total, ordenaranse as 100 prazas existentes nesa parte da parcela, creando unha liña en batería ao carón da beirarrúa e outra fronte ao vial portuario, que á súa vez terá unha serie de estacionamentos en liña.
O resto do estacionamento seguirá igual e irase mellorando a súa disposición a medida que avance o proxecto do Centro Sociocultural.
Doutra banda o Concello de Marín aforma que está preto de pechar un acordo cos propietarios dunha parcela próxima a Ponte Zapal para crear alí un novo aparcadoiro disuasorio.
Relacionadas:
-
Impoñen 90 multas pola mala utilización da Zona 2H de aparcamento no centro de Marín
Por Redacción |
-
Operación de retirada de vehículos abandonados nos aparcadoiros públicos de Marín
Por Redacción |
-
O Concello arranxa o aparcadoiro de Ponte Zapal e prepara a reforma do vial de acceso ao núcleo de Pastoriza
Por Oskar Viéitez |
-
Manteranse as prazas de aparcamento na Rúa da Ponte e vai ampliarse a Zona 2H
Por Redacción | Creada e actualizada
-
Ramallo advirte de que o 90% dos desprazamentos en coche no centro urbano de Marín é para traxectos de menos de 5 minutos
Por Oskar Viéitez |