200 persoas participarán na gala do Premio Xove Empresario que se celebrará no Pazo de Colón
![](/web/cache/scene/uploads/fotos/foto/b12/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/661d195280-20240415-patxot-premio-aje-0101.jpg)
© Mónica Patxot
![](/web/cache/scene/uploads/fotos/foto/887/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/661d1972b7-20240415-patxot-premio-aje-0103.jpg)
© Mónica Patxot
![](/web/cache/scene/uploads/fotos/foto/3d0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/661d19886b-20240415-patxot-premio-aje-0104.jpg)
© Mónica Patxot
![](/web/cache/scene/uploads/fotos/foto/036/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/661d197ce4-20240415-patxot-premio-aje-angel-moldes-rafa-dominguez-0100.jpg)
© Mónica Patxot
O xoves 18 de abril, ás 19.30 horas, o Pazo de Colón, situado en Camiño de Ruza, en Poio, será escenario da décimo terceira edición dos Premios Xove Empresario e Iniciativa Emprendedora de Galicia, que organiza AJE Galicia.
Luciano Covelo, presidente do colectivo na comunidade autónoma; María Buceta, presidenta de AJE Pontevedra; o vicepresidente da Deputación de Pontevedra, Rafa Domínguez; e o alcalde de Poio, Ángel Moldes, presentaban este luns o acto durante un encontro cos medios de comunicación na área arqueolóxica da Caeira.
O presidente de AJE Galicia destacaba que este ano foi AJE Pontevedra a encargada de seleccionar o espazo onde se ía celebrar o evento e decidiuse polo Concello de Poio, dentro da proposta da organización empresarial que busca fomentar a vertebración de Galicia como país, promovendo o rural para que xerar máis emprego e, ao mesmo tempo, fomentar a política social a través da creación de empresas e de postos de traballo.
Covelo explicou que queren que AJE "toque máis o rural, o entendemento, o rural e a muller". Engadiu que para a gala deste ano xa hai máis de duascentas persoas rexistradas.
A asistencia é completamente gratuíta e só é necesario apuntarse a través da ligazón:
Rafa Domínguez destacaba na súa intervención o "papel fundamental" que AJE realiza como "vínculo de unión e colaboración". Manifestou que a Deputación está disposta a seguir apoiando o sector emprendedor para contribuír ao dinamismo económico e ao avance da provincia.
Pola súa banda, o alcalde Ángel Moldes agradeceu a AJE que escolleran o Concello que goberna "para poñer en valor o municipio", subliñando a importancia que os premios teñen en toda Galicia debido ao traballo que AJE realiza sendo referente do emprendemento e da mocidade.
Incidiu no destacado labor que desenvolven os profesionais autónomos e os empresarios e espera que, coa organización deste acto, "falen moito de Poio dentro e fóra do municipio".
Relacionadas:
-
O emprendemento volverá ter unha cita o 20 e 21 de setembro na Praza de España
Por Mónica Patxot & Redacción |
-
Pontevedra exhibe o seu talento emprendedor nos premios AJE Galicia
Por Redacción |
-
Nodosa recibirá o Premio Honorífico da XXVI edición do Premio Xove Empresario
Por Mónica Patxot & Anxo Lourido |
-
María Buceta continuará como presidenta de AJE ata final de ano
Por Redacción |