A área sanitaria de Pontevedra estabiliza a 138 profesionais de Enfermaría
Por Oskar Viéitez
"Estamos comprometidos en brindar as mellores condicións laborais posibles para o noso equipo de enfermaría e ofrecer unha atención de calidade aos nosos pacientes", asegurou este luns a directora de Enfermaría da área sanitaria de Pontevedra e O Salnés, Conchín Abellás.
Así se referiu á contratación estable do seu persoal coa maior oferta de vínculos de interinidades feita ata hoxe.
Con este obxectivo, neste mes de abril, levou a cabo esta acción, que permitirá ao remate do ano 2024 unha contratación dun total de 138 vinculacións estables distribuídas entre diversas categorías, incluíndo enfermaría hospitalaria, especialistas en enfermaría familiar e comunitaria, en saúde mental e matronas; TCAE, técnicos sanitarios e fisioterapeutas.
Por outra banda, e unha vez rematado o período estival, realizarase unha segunda oferta de cobertura de prazas vacantes cun dobre propósito: estabilizar ao persoal actualmente vinculado e atraer novos profesionais.
Ademais desta oferta de prazas vacantes, a Dirección de Enfermaría continuará ofertando todos os contratos de longa duración que existían ata o momento, "en estrito cumprimento da normativa vixente de cada un deles", aseguran desde a área sanitaria de Pontevedra.
"Dende a Dirección de Enfermería existe un claro compromiso de garantir os dereitos e condicións laborais daqueles profesionais que xa forman parte do equipo, asegurando a estabilidade e continuidade nas súas funcións", aseguran.
Relacionadas:
-
Máis de 500 profesionais da enfermaría galega danse cita no Pazo da Cultura
Por Redacción |
-
As novidades na patoloxía respiratoria abordaránse nunha xuntanza en Sanxenxo
Por Redacción |
-
A Área Sanitaria despide a 12 residentes e incorpora outros 51
Por Redacción |
-
Os centros de saúde conciencian sobre a hixiene de mans para previr infeccións
Por Oskar Viéitez |
-
Denuncian a precarización de contratos de enfermería na Área Sanitaria
Por Redacción |
-
Campaña de vacinación de adultos en residencias de maiores
Por Redacción |
-
A área sanitaria cubre nove prazas en saúde mental e once de especialistas no Hospital do Salnés
Por Redacción |
-
Flores anuncia que convocarán unha praza para cubrir o posto de Pediatría en Monte Porreiro
Por Redacción |