![](/web/cache/scene/uploads/fotos/foto/f3d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6633bce913-001.jpg)
© DUVI - UVigo
Estudan no campus os beneficios do exercicio terapéutico con realidade virtual en persoas con esclerose múltiple
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/07f/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/6633bc9021-004.jpg)
© DUVI - UVigo
![](/web/cache/scene/uploads/fotos/foto/afd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6633bd38ef-003.jpg)
© DUVI - UVigo
Investigadores da Facultade de Fisioterapia do campus de Pontevedra traballan na análise dos posibles beneficios que o exercicio terapéutico con lentes de realidade virtual provoca en persoas con esclerose múltiple.
Este estudo pioneiro desenvólvese en colaboración coa asociación viguesa de Esclerose Múltiple de Pontevedra (Avempo) e atópase coordinado por Gustavo Rodríguez e Pablo Campo, do grupo de investigación HealthyFit da UVigo e do Instituto de Investigación Sanitaria Galicia Sur.
O traballo céntrase nos denominados exergames, videoxogos que implican unha actividade física e cognitiva. A iniciativa buscaba mellorar as capacidades funcionais dos participantes.
Segundo explica Pablo Campo xa se probou con persoas con párkinson ou alzheimer e tratan de extrapolar esta experiencia a vinte integrantes de Avempo coa enfermidade neurodegenerativa inflamatoria crónica e cunha idade media próxima aos 40 anos.
Esta doenza provoca alteracións na marcha, o equilibrio e na forza ou problemas de control motor, ademais de cadros de fatiga moi marcados e que afecta a persoas moi novas.
O proxecto busca "mellorar as súas capacidades funcionais e a súa calidade de vida", explica Campo no DUVI para sinalar que os resultados iniciais son "positivos" tras desenvolver o programa de exercicio de oito semanas, con dúas sesións semanais, nas que as persoas participantes debían utilizar lentes de realidade virtual inmersiva de última xeración á hora de realizar diversas funcións, supervisadas pola fisioterapeuta Elena Ferreiro.
Relacionadas:
-
Intelixencia artificial, deportes, arte e creación téxtil centran os temas dos cursos de verán no campus para toda a cidadanía
Por Redacción |
-
Os centros de saúde conciencian sobre a hixiene de mans para previr infeccións
Por Oskar Viéitez |
-
A denuncia dun paciente de esclerose múltiple: máis dun ano sen consulta en Neuroloxía
Por Mónica Patxot & María José Pita |
-
RADIO.- "A medida que máis consegue mellorar a saúde no ámbito neurolóxico é o exercicio físico"
Por Marisa Ciordia |