Estiman que o pavillón de Marcón volverá reabrir as portas a finais de xuño
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O goberno municipal confía en que o pavillón municipal de Marcón poida estar dispoñible de novo para o seu uso a finais de xuño, tras completar as obras que se están realizando nel.
Esta actuación, segundo explicou a edil de Deportes, Anabel Gulías, teñen o obxectivo de "cumprir co compromiso de manter e mellorar as instalacións deportivas do municipio".
"Queremos que desaparezan as pingueiras que estaban caendo no interior e que impedían o desenvolvemento das actividades deportivas que aquí adestran e xogan", engadiu Gulías.
Así, as actuacións neste espazo contemplan o cambio de cuberta do edificio, coa que xa repararon as pingueiras que afectaban á pista e a parte central, así como aos laterais do campo de xogo e da grada.
Neste momentos, a obra céntrase en mellorar o resto da estrutura.