Marín saca a contratación a xestión de salvamento e socorrismo nas praias para os próximos 3 anos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A xestión das praias de cara á época estival inclúe, entre outras cuestións, a contratación do servizo de socorrismo e salvamento, un requerimento esencial para garantir unha estancia segura dos bañistas. O Concello de Marín aposta pola contratación deste servizo a través dun concurso público para un contrato de 3 anos, prorrogables ata os 4.
O prego xa está dispoñible para as súa consulta a través do Perfil do Contratante, ao que se pode acceder pola Sede Electrónica do Concello de Marín e ten aberto o prazo de presentación de ofertas a todas as empresas interesadas ata o 31 deste mes.
Cúbrense todas as praias da vila: Portocelo, Mogor, Aguete, Loira e O Santo, nas que haberá presenza de socorristas entre mediados de xuño e finais de agosto, aproximadamente.
Tal e como se recolle no prego, serán 14 socorristas repartidos polos distintos areais, segundo as necesidades de cada un; 3 auxiliares de información e primeiros auxilios e 1 persoa coordinadora. O seu horario será de luns a domingo, de 12.00 a 20.00 horas, repartidos en quendas.
Para concorrer ao posto de coordinador, é preciso ter como formación mínima a de socorrista subacuático en espazos naturais con experiencia, polo menos, dunha tempada estival realizando esta función.
O importe polo que sae a licitación o contrato é de 725.437 euros.
Relacionadas:
-
Xullo comeza nas praias de Marín co izado das bandeiras azuis e a chegada dos socorristas
Por Redacción |
-
O Supremo confirma as multas por abuso de dominio para tres navieras que condicionaban as reservas no cámping das Ons
Por Oskar Viéitez |
-
Marín convoca unha xornada de portas abertas na piscina municipal para as empresas interesadas na súa xestión
Por Redacción |
-
Dous anos desde que unha lancha arroiou a Juan en Silgar, pendentes de xuízo: "É unha porta que non pechas"
Por Natalia Puga |
-
Haberá socorristas nas dúas praias fluviais de Pontevedra en xullo e agosto
Por Alejandro Espiño |