O mapa de zonas de baño de Galicia sinala como non aptas 39 praias
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Galicia presume de bandeiras azuis en numerosas praias que son cualificadas coas máximas notas en canto á súa calidade e servizos. Así o Servizo Galego de Saúde (SERGAS) certificou que o 91,8% das 515 zonas de baño analizadas este último ano poden presumir dunha calidade excelente. Lamentablemente, entre ese 1,2% restante que ten unha calidade insuficiente atópase a praia fluvial de Monte Porreiro.
Xunto con esta praia do Lérez aparecen as dos ríos Furelos (Melide), Tambre (Chaián), Cabe (Área recreativa da Fervenza), Ulla (peirao de Catoira), Carabuxeira (Sanxenxo) e a praia de Sopazos (Pontedeume). Todas elas suspenden no seu estado ambiental, polo que non recomenda o baño nestes lugares.
Esta semana presentouse o Programa de Vixilancia Sanitaria das Zonas de Baño de Galicia que tamén sinala nove puntos vermellos en praias de Galicia que non contan coa calidade mínima esixible para o baño debido a unha presenza por encima do máximo permitido de parámetros microbiológicos de enterococos intestinais e Escherichia coli, que poden ser prexudiciais para a saúde.
Ademais, a Xunta prohibe permanentemente o baño en 32 zonas marítimas e continentais repartidas polas catro provincias debido aos altos niveis de Escherichia coli e Enterococcus, como é o caso da praia de Nanín, en Sanxenxo.
Este documento, elaborado pola Dirección Xeral de Saúde Pública da Consellería de Sanidade foi presentado este luns no Consello da Xunta.
Relacionadas:
-
Entrega das bandeiras azuis en Doniños con Sanxenxo como líder estatal
Por Redacción |
-
Sete de cada dez médicos pontevedreses xubilaranse no próximo lustro
Por Oskar Viéitez |
-
As praias do Lérez e Ponte Sampaio terán socorrista a diario de 13.00 a 20.30 horas
Por Natalia Puga |
-
O proxecto do Concello para ampliar a praia de Ponte Sampaio servirá de base para Costas
Por Alejandro Espiño |
-
A praia de Xiorto, en Raxó, recupera a bandeira azul sete anos despois
Por Redacción |
-
Sanxenxo revalida o seu liderado nacional con dezasete bandeiras azuis ás súas praias
Por Alejandro Espiño |