O regreso do raposo ás rúas de Pontevedra
Por Oskar Viéitez
Tras informar o pasado 3 de novembro da presenza dun raposo na antiga finca do Teucro non volvéramos ter noticias do animal, ata este venres.
O intrépido raposo deixouse fotografar de novo en Pontevedra. Nesta ocasión sorprendeu os peóns que paseaban polos espazos baleiros do Campiño de Santa María.
Lonxe de asustarse pola presenza do home, á que parece terse habituado, este raposo de fino fouciño e grosa cola atendía curioso o paso dos transeuntes.
O animal, de tamaño medio, encontrou un cómodo xeito de alimentarse nas bandexas que algúns veciños deixan na rúa para dar de comer os gatos.
Algúns residentes da zona móstranse contentos con este novo inquilino xa que aseguran que axudará a eliminar os roedores.
Relacionadas:
-
VÍDEO.- Gravan un raposo na contorna da Alameda de Pontevedra
Por Redacción |
-
Regresan os raposos á Finca do Teucro, esta vez en parella
Por Redacción |
-
Polémica pola organización dun campionato de caza de raposos en montes de Cerdedo-Cotobade
Por Oskar Viéitez |
-
Un raposo campa ás súas anchas pola antiga Finca do Teucro, en pleno centro de Pontevedra
Por Alejandro Espiño |