Os marinenses emociónanse co 'Santo Encontro' de madrugada
Por Manu Cillán
A partir da media noite a Semana Santa máis nocturna chegou a Marín. Para conmemorar o Xoves Santo, as procesións cos pasos do Huero dos Olivos, a Virxe Dolorosa e o Nazareno percorreron o centro do municipio.
As dúas procesións partiron do Templo Novo e realizaron percorridos diferentes durante aproximadamente dúas horas para encontrarse arredor das 2.00 horas da madrugada na praza de España, no 'Santo Encontro' que cada ano emociona centos de marinenses.
A cita contou co acompañamento musical da Banda de Cornetas e Tambores da Confraría do Nazareno e a Banda de Música da Escola Naval Militar de Marín mentres a Policía Local regulaba a circulación.