Vaipolorío denuncia a vertedura de entullos nun espazo natural protexido
Por Oskar Viéitez
O colectivo ecologista Vaipolorío ven de denunciar a vertedura de entullos na vía de servizo do Tren de Alta Velocidade no tramo que discorre paralelo a vía e o río Gafos ao seu paso pola parroquia pontevedresa de Tomeza.
Foron vertidos entullos en varios puntos de dita vía, algúns deles dentro do Espazo Natural de Interés Local (ENIL).
Vaipolorío presentou denuncia ante o Concello de Pontevedra e a Consellería de Medio Ambiente.