A Lanzada recibe os primeiros campistas do verán
Por Redacción
Os primeiros nenos chegaron este domingo ao centro da Lanzada para gozar dos campamentos de verán nas instalacións da Deputación Provincial.
Nesta primeira quenda son 200 os menores que participarán nas diversas actividades preparadas, pero en total e ata o próximo 6 de setembro pasarán polo Centro de Vacacións da Lanzada 2.200 nenos da provincia repartidos en 11 semanas.
O acto de inauguración celebrouse este domingo cun espectáculo no que participaron os monitores do campamento a xeito de benvida para os campistas, que nos próximos días poderán participar en actividades varias como teatro, contacontos, xogos e deportes rodeados de praia e natureza.
Os campamentos, que rexistraron 3.194 solicitudes para o presente verán, están dirixidos a nenos de entre 8 e 13 anos.