Envorca un camión militar nun dos accesos á A-9, nas proximidades do Nó do Pino
Por Diego Torrado
Aparatoso, pero sen feridos. Así foi o accidente que sufriu un camión militar nas proximidades do nó do Pino. Envorcou nun dos accesos á autoestrada AP-9, bloqueando parte do tráfico nun dos carrís de circulación en sentido Vigo.
O accidente produciuse sobre as 11.20 horas, momento no que o 112 recibiu o aviso de que un camión, provisto de remolque e cunha escavadora no seu interior, saíra da vía, quedando envorcado sobre a beiravía.
Non causou ningún ferido, segundo confirmaron as propias testemuñas do sinistro.
Tras recibir a alerta, o 112 pediu a colaboración das forzas da orde, especialmente a Garda Civil de Tráfico, que se fixo cargo da investigación do accidente e da coordinación da mobilidade na zona. Ademais, mobilizáronse os servizos de limpeza e mantemento do Ministerio de Fomento.