Os galiñeiros de Poio comezan a tremer
Por Redacción
As últimas semanas foron negras para os propietarios de vivendas nas zonas máis rurais de Poio, en especial, para aqueles que teñen galiñeiros. O roubo máis xeneralizado na zona empezou a ser o roubo de galiñas e polos. O último episodio produciuse o día de Nadal e supuxo a susbstracción de 16 destes animais.
O roubo produciuse nunha vivenda da zona do Vao nalgún momento entre a noite do 25 e a mañá do día 26. Os ladróns eludiron o muro que rodea a propiedade e colleron 16 galiñas que estaban resgardadas nun alpendre situado detrás da vivenda.
Ademais, o sábado 22 de decembro produciuse un roubo menos curioso, pero de maior impacto na parroquia de San Salvador. O dono dunha vivenda da zona de Boa Vista denunciou que alguén rompeu a porta da terraza, entrou no seu piso e roubou uns 1.200 euros en efectivo, xoias e electrodomésticos.