O Pazo da Cultura, improvisado xardín de bonsais
Por Mónica Patxot
Os amantes da botánica teñen unha cita ineludible esta fin de semana no Pazo da Cultura de Pontevedra. Ata o próximo domingo 7 de xuño poderán visitar na sala de exposicións do recinto unha mostra colectiva de bonsais.
É unha oportunidade única para contemplar preto dunha trintena destas árbores. Son propiedade de diferentes propietarios que decidiron unirse para esta exposición temporal.
Trátase dunha colección moi coidada e que ofrece unha gran variedade de especies.
A entrada é gratuíta e poderase visitar o sábado de 11 a 14 horas e de 17 a 21 horas e o domingo en horario matinal.